Clooney vill ekki risa túttur - myndir fyrir og eftir brjóstastækkun

Óskarsvinningshafinn og sjarmatröllið George Clooney hætti nýverið með kærustunni, Söruh Larson, sem hann kynntist fyrir fjórum árum á kokkteilbar í Las Vegas, þar sem hún starfaði sem gengilbeina.

Larson ákvað að gangast undir hnífinn og láta stækka á sér brjóstin og ef marka má fjölmiðlafárið í kringum umrædda lýtaaðgerð hafði Clooney samþykkt að þáverandi kærasta fengi að jafna sig eftir aðgerðina á heimili hans.

Slúðurpressan beggja vegna Atlantshafsins heldur því fram að Clooney hafi sagt gengilbeinunni upp út af brjóstaaðgerðinni sem hún gekkst undir því hann vill ekki konur með risavaxnar óekta túttur.