Myndband af heróínreykjandi Angelinu Jolie til sölu

Angelina Jolie hefur breyst töluvert frá því hún var uppáhalds vandræðabarnið í Hollywood. Ímynd hennar sem kynþokkafyllri útgáfa af Móður Teresu gæti þó verið í hættu.

Myndband sem sýnir leikkonuna sjúga hvítar línur upp í nefnið og reykja heróín með vinum sínum býðst nú slúðurpressunni vestanhafs til kaups. Í því hrósar hin unga Angelina efninu, og segir það "frábært, mikið betra en þetta drasl sem við höfum verið að taka."

Samkvæmt National Enquirer vill eigandi myndbandsins fá rúmar fimm milljónir fyrir það. Blaðið, sem þykir raunar ekki það trúverðugasta í bransanum, segir að myndbandið sé tekið um það leiti sem Angelina var að slá í gegn í myndum á borð vð Gia og Girl interrupted.