Kirsten Dunst fallin

Leikkonan Kirsten Dunst ákvað um helgina að taka sér smá frí frá edrúmennsku í tilefni af afmælinu sínu. Leikkonan, sem fór í áfengismeðferð í vetur, skálaði fyrir 26 ára afmælinu á Bowery Electric klúbbnum í New York.

Heimildamaður Star tímaritsins segist hafa séð leikkonuna staupa sig á viskíi áður en hún færði sig yfir í romm og kók. Þá fylgdi sögunni að Dunst hafi greinilega ekki ætlað ein heim af klúbbnum, því hún daðraði stíft við fjölda gæja. Ástand hennar ku hafa farið hríðversnandi eftir því sem leið á kvöldið, og var hún dansandi á borðum áður en hún dreif sig heim um þrjúleitið.