Ferill þreytulegu Siennu Miller í hættu

Leikkonan Sienna Miller, 26 ára, tekst á við erfiða tíma þessa dagana því ferill hennar er í hættu ef marka má bresku pressuna af þeim sökum að hún er byrjuð með gifta moldríka leikaranum Balthazar Getty, 33 ára, sem er fjögurra barna faðir.

Leikaraparið er byrjað að búa saman í Malibu og reynir að njóta lífsins umkringt uppáþrengjandi ljósmyndurum öllum stundum.

Meðfylgjandi myndir voru teknar af parinu í gærdag. Sienna er þreytuleg að sjá enda mikið álag á stelpunni eftir strippið og kossaflensið á Ítalíu í sumar sem var allt fest á filmu og birt um heim alllan.