Telur ESB-þjóðir ekki munu leggjast gegn aðild Íslands

Olli Rehn, ráðherra stækkunarmála hjá Evrópusambandinu, telur ólíklegt að þjóðir sambandsins leggist gegn því að Ísland gerist aðili að sambandinu, svo framarlega sem samkomulag um innistæður í gömlu bönkunum erlendis liggi fyrir.

Þetta kemur fram í viðtali viðtali við hann á heimasíðunni EurActiv. Rehn segir engar flýtileiðir inn í sambandið en bendir á að Ísland hafi í gegnum EES-samninginn ákveðið forskot á aðrar þjóðir. Aðspurður hvort Ísland geti komist á undan Króatíu, sem stefnir á aðild árið 2012, útilokar Rehn það ekki en það sé háð því hvernig samningaviðræður og innleiðing löggjafar ESB gangi.