Innlent

Sex innbrot á dag á landinu í apríl

Alls voru 169 innbrot tilkynnt lögreglu í apríl sem jafngildir tæplega 6 innbrotum á dag. Enn fremur voru 97 líkamsmeiðingar tilkynntar sem jafngildir um þremur slíkum brotum á dag. Þetta kemur fram í bráðabirgðatölfræði Ríkislögreglustjóra fyrir aprílmánuð.

Fíkniefnabrot reyndust um fimmtungi færri í apríl í ár en á sama tíma í fyrra. Þá reyndust umferðarlagabrot nærri 5600 í apríl sem eru töluvert fleiri brot en í aprílmánuði árin þrjú á undan. Rekja má fjölgunina að miklu leyti til hraðakstursmyndavéla.

Málaskrá lögreglunnar leiðir enn fremur í ljós að flestar líkamsárásir voru framdar að næturlagi í apríl, eða tæp 60 prósent. Þá voru flest hraðakstursbrot framin að degi til, milli hádegis og sex síðdegis, en eignaspjöll dreifðust hins vegar frekar jafnt yfir sólarhringinn.

Mest lesið


Fleiri fréttir

Sjá meira


×

Mest lesið