X-Files leikari kynlífsfíkill á háu stigi

Leikarinn David Duchovny sem farið hefur meðal annars með hlutverk alríkismannsins Fox Mulder í X-Files þáttaröðunum hefur ákveðið að takast á við kynlífsfíkn sína.

Leikarinn sendi frá sér tilkynningu þess efnis að hann hefur nú þegar skráð sig inn á meðferðarstofnun við kynlífsfíkninni sem var farin að stjórna lífi hans.

„Ég bið ykkur vinsamlegast um að gefa mér frið til að takast á við aðstæður mínar af virðingu við eiginkonu mína og börn," segir David sem er 48 ára gamall.

Leikarinn hefur verið giftur leikkonunni Téa Leoni síðan árið 1997. Saman eiga þau tvö börn, dótturina Madelaine West, sem er 9 ára og soninn Kyd, 6 ára.