Vilja takmarka leiguframsal

Farmanna- og fiskimannasamband Íslands vill takmarka verulega leiguframsal innan fiskveiðiársins. ,,Leiga á aflaheimildum innan ársins er og mun verða megin ástæðan fyrir misferli við launauppgjör sjómanna á meðan hún er heimiluð. Afgerandi takmörkun á kvótaleigu innan fiskveiðiársins er mun stærra mál en svo að ásættanlegt sé fyrir sjómenn að ríkisstjórnarin láti kyrrt liggja árum saman," segir í ályktun formannaráðstefnu FFSÍ.

Aukin þekking á ástandi fiskistofna er algjör grunnforsenda fyrir betri nýtingu á auðlindum hafsins, að mati FFSÍ sem vilja stórauka haf- og fiskirannsóknir á vegum Hafrannsóknarstefnunar.

Þá skorar FFSÍ á stjórnvöld að tryggja Landhelgisgæslu Íslands nægjanlegt rekstrarfé til starfsemi sinnar. Mikilvægt sé vegna öryggis sæfarenda og eftirlits með fiskveiðilögsögu Íslands að úthald varðskipa og loftfara raskist ekki vegna niðurskurðar.