Klukkan þrjú hefst Sigfúsarhátíð í Þjóðarbókhlöðunni í minningu Sigfúsar Daðasonar skálds en hinn 20. maí eru liðin 80 ár frá fæðingu hans.
Á hátíðinni verða flutt ýmis erindi um þetta eitt merkasta atómskáld þjóðarinnar og Guðný Ýr Jónsdóttir, ekkja Sigfúsar, afhendir Landsbókasafni Íslands - Háskólabókasafni bréf og bækur úr eigu Sigfúsar. Á meðal þeirra sem ræða um skáldskap Sigfúsar eru Steinunn Sigurðardóttir rithöfundur og Sigurður Pálsson skáld.
Hátíðin er öllum opin en áætlað er að henni ljúki í Þjóðarbókhlöðunni klukkan fimm.
