J-Lo ver vísindatrú

Söng- og leikkonan Jennifer Lopez, öðru nafni J-Lo, hefur upplýst að pabbi hennar sé vísindatrúar og hafi verið það í 20 ár. Hún hafi þó sjálf verið alin upp í kaþólskri trú. Jennifer greindi frá þessu á fréttastöðinni NBC og kvaðst leið yfir því að vísindakirkjan fengi eins slæma umfjöllun og raun væri. Hún sagði fólk í vísindakirkjunni vera eitt það besta sem hún hefði kynnst á ævinni, það væri indælt og einlægt. Jennifer Lopes er sögð vera vinkona þekktra vísindatrúarhjóna, þeirra Toms Cruise og Katie Holmes.