Ekki stefnt á að setja HydroKraft á markað

Ekki stendur til að setja HydroKraft Invest á almennan markað og enn sem komið er hafa engir starfsmenn verið ráðnir til fyrirtækinins. Landsvirkjun Invest á 50 prósenta hlut í fyrirtækinu sem hefur þann tilgang að leita eftir verkefnum erlendis, aðallega í Austur-Evrópu.

Gagnrýni hefur beinst að því að undanförnu að Reykjavíkurborg skuli vera að taka þátt í áhættufjárfestingum í gegnum Reykjavík Energy Invest. Björn Ingi Hrafnsson, borgarfulltrúi Framsóknar, sagði í Silfri Egils í gær, REI vera sambærilegt HydroKraft Invest sem Landsvirkjun og Landsbankinn eiga.

Friðrik Sophusson, forstjóri Landsvirkjunar, sagði í samtali við fréttastofu að REI hafi upphaflega verið í eðli sínu sambærilegt fyrirtækinu Landsvirkjun Invest sem Landsvirkjun á. Tilgangur þess sé að takmarka ábyrgð Landsvirkjunar á áhættufjárfestingum. Enn sem komið hefur Landsvirkjun Invest aðeins fjárfest í HydroKraft sem stofnað var í febrúar á þessu ári.

Landsvirkjun Invest lagði til tvo milljarða í fyrirtækið og Landsbankinn tvo milljarða. HydroKraft hyggs leita að verkefnum erlendis, aðallega í Austur-Evrópu, en útliy er fyrir að verkefnum muni fækka hér á landi á næsti fimm árum.

Ekki stendur til að setja HydroKraft á almennan markað og enn sem komið er hafa engir starfsmenn verið ráðnir til fyrirtækisins. Að sögn Friðrik hafa heldur engir kaupréttarsamningar verið gerðir né bindandi samningar um aðgang að þekkingu og þjónustu eins og sá sem gerður var milli REI og Orkuveitunnar. Því sé starfsemi HydroKraft og REI ólík. Friðrik benti á að Landsvirkjun væri eingöngu að gera það sem fyrir þá væri la