Landsmenn hugi að tungunni

Menntamálaráðuneytið hefur sent út dreifibréf þar sem hvatt er til þess að landsmenn hugi nú, eins og undanfarin ár, að íslenskri tungu þann 16. nóvember og dagana þar í kring.

16. nóvember er dagur íslenskrar tungu en þann dag árið 1807 fæddist Jónas Hallgrímsson þjóðskáld. Tvö hundruð ára afmæli skáldsins er því í næsta mánuði og verður þess minnst með margvíslegum hætti.

Fram kemur á vef menntamálaráðuneytisins að landsmenn geti minnst dagsins á margan hátt, t.d. með upplestri, ritunarsamkeppni, samkomum og tónlistarflutningi svo fátt eitt sér nefnt.

Ráðuneytið hefur undanfarin ár beitt sér fyrir sérstöku átaki í þágu íslensks máls þennan dag og þetta árið er undirbúningur að hátíðahöldum vegna afmælisins í höndum Stofnunar Árna Magnússonar í íslenskum fræðum.