Auglýsir eftir vitnum að fjöldaslagsmálum á Húsavík

Lögreglan á Húsavík hefur auglýst eftir vitnum að fjöldaslagsmálum sem urðu á veitingastaðnum Gamla-Bauk fyrir rúmum hálfum mánuði.

Auglýst er á tveimur tungumálum og eru þeir sem gætu gefið upplýsingar og hafa ekki talað við lögreglu til þessa beðnir um að gefa sig fram. Alls er talið að um 20 manns hafi tekið þátt í hópslagsmálunum þegar tveimur fylkingum laust saman.

Annars vegar hópi útlendinga sem starfar við sláturhús Norðlenska á Húsavík og hins vegar heimamanna sem lágu sárir eftir. Nokkrir fóru á sjúkrahús og hlaut að minnsta kosti einn beinbrot.