Lögreglan á Selfossi rannsakar þjófnað á heitu vatni

Lögreglan á Selfossi rannsakar nú meintan þjófnað á heitu vatni og eru fleiri en einn og fleiri en tveir grunaðir um þessháttar verknað.

Það er þó ekki svo að sést hafi til manna á hlaupum með fötur fullar af heitu vatni, heldur eru nokkrir sumarbústaðaeigendur grunaðir um að hafa tengt heitavatnslagnir að bústöðum sínum framhjá mælum, eða hemlum Orkuveitunnar og þannig fengið mun meira vatn en þeir greiða fyrir.

Í sumum tilvikum hafi innsigli verið rofun á hemlum í sama tilgangi. Innan einhverra vikna ætti svo að liggja fyrir hvaða viðurlög liggja við vatnsþjófnaði.