Neitar því að fíkniefni og vopn hafi verið gerð upptæk

Jón Trausti Lúthersson, félagi í vélhjólaklúbbnum Fáfni, neitaði því í viðtali við Vísi rétt í þessu að lögregla hafi lagt hald á fíkniefni og vopn við húsleit í húsakynnum Fáfnis í gærdag.

Jón Trausti mætti fyrir stundu ásamt félögum sínum í Leifsstöð til þess að taka ámóti félögum úr Hell´s Angels sem væntanlegir voru til landsins vegna ellefu ára afmælis Fáfnis um helgina.

Jón Trausti sagðist vonast til að félagarnir kæmust inn í landið en lögregla er mikinn viðbúnað vegna komu mannanna. Segir lögregla að Hell´s Angels séu glæpasamtök sem reynt hafi að ná fótfestu hér á landi á síðusut árum.

Aðspurður hvort Fáfnismenn hygðust beita valdi í flugstöðinni sagði Jón Trausti að þeir færu löglegu leiðina.