Ekki hægt að útiloka bótaskyldu borgarinnar

Sigurður Líndal lagaprófessor segir að ekki sé hægt að útiloka bótaskyldu borgarinnar vegna þess að samruna REI og Geysir Green verði rift.  „Ég hef að vísu ekki kynnt mér málið nánið en við fyrstu sín blasir þetta við,“ segir Sigurður Líndal í samtali við Vísi.

„Kjarni málsins virðist vera sá að þarna rekast á reglur stjórnsýsluréttar og reglur viðskiptalífsins,“ segir Sigurður og hann furðar sig á þeim hraða sem var á að koma sameiningunni í gegn.

„Ef að ég ætti að undirrita saming sem er jafnflókinn og yfirgripsmiklill og samruni REI og Geysir Green virðist vera hefði ég gefið mér einn eða tvo daga til að fara gaumgæfilega yfir hann," segir Sigurður. „Því skil ég ekkert í að Vilhjálmur Vilhjálmsson, fyrrum borgarstjóri, gerði slíkt ekki né kallaði til sérfræðinga sér til halds og trausts.“