Skilnaður opinber

Skilnaður kynbombunnar Pamelu Anderson og söngvarans Kid Rock er genginn í gegn. Pamela og Kid Rock, sem heitir réttu nafni Robert Ritchie, sóttu um skilnaðinn í nóvember í fyrra eftir aðeins fjögurra mánaða hjónaband.

Þegar þau giftu sig á snekkju í Frakklandi var Pamela himinlifandi og sagði brúðkaupið það rómantískasta sem sögur fara af.

Samkvæmt skilnaðarplöggunum má hvorugt þeirra gifta sig þangað til 28. maí á þessu ári vegna sex mánaðar biðar sem þarf að vera á milli brúðkaupa.