Öryggismat ekki gert eftir forskrift forsetans

Ríkislögreglustjóri neitar því að öryggismat sem embættið gerði fyrir Laufásveg 72 hafi ekki verið gert eftir forskrift forseta. Húsið er notað sem gestahús forsetaembættisins en nágrannar hússins hafa ekki fengið að gera breytingar á húsum sínum á þeirri forsendu að öryggismat ríkislögreglustjóra komi í veg fyrir þær.

Lögmaður annars nágrannans, Þorsteins M. Jónssonar, sagði í Fréttablaðinu á dögunum að það hvarflaði að umbjóðanda sínum að öryggismatið væri gert að forskrift forsetaembættisins.

 

Jón Bjartmarz, yfirlögregluþjónn hjá ríkislögreglustjórara svarar fyrirspurn Vísis á þann veg að öryggismatið hafi ekki verið búið til eftir forskrift frá embættinu. Hann hafnar því einnig að embættið hafi skipt um skoðun í málinu eftir samtöl við fulltrúa forsetaembættisins, eins og haft er eftir lögmanni Þorsteins M. Jónssonar, sem býr Laufásvegi 73 og hefur lengi barist fyrir því að fá samþykktar breytingar á húsi sínu. Þær umsóknir hafa alltaf strandað á andstöðu forsetaembættisins.

 

Jón vill ekki fara út í hvaða þættir séu hafðir til viðmiðunar þegar öryggismat af þessu tagi er gert. Hann segir það vera trúnaðarmál. Hann segir einnig að viðlíka öryggismöt hafi verið gerð fyrir fleiri hús í borginni, en vill ekki tiltaka hvaða hús er þar um að ræða, það sé einnig trúnaðarmál.