Minni áhrif en almennt var talið

Ákvörðun Kaupþings um að taka upp Evru hefur ekki almennt þær stórkostlegu afleiðingar sem ýmsir hafa talið segir Davíð Oddsson. Um miðjan september tók hann þó nokkuð dýpra í árina.

Kaupþing tilkynnti í síðustu viku að fyrirtækið hygðist taka upp Evru ef það fengi til þess tilskillin leyfi frá Seðlabankanum. Davíð Oddson seðlabankastjóri var spurður um áhrif ákvörðunarinnar í morgun. Þá sagði hann hana ekki almennt hafa þær stórkostlegu afleiðingar sem ýmsir höfðu talið.

Um miðjan september var Davíð spurður hvaða áhrif að hefði ef önnur fjármálafyrirtæki en Straumur Burðarás hygðust skrá hlutafé sitt í evrum. Þá sagði hann að slík þróun myndi skemma fyrir peningastefnu Seðlabankans og skaða hagstjórnina.