Níu mánaða fangelsi fyrir fíkniefnabrot

Karlmaður var í Hæstarétti í dag dæmdur í níu mánaða fangelsi fyrir fíkniefnalagabrot og fyrir bensínstuld. Var það sami dómur og hann fékk í héraðsdómi.

Maðurinn var sakfelldur fyrir að hafa í vörslu sinni um 70 grömm af amfetamíni og rúmt gramm af kókaíni en efnin fundust á heimili hans og við líkamsleit í júní fyrra. Þá var hann ennfremur sakfelldur fyrir annað fíkniefnalagabrot og gripdeild sem framin voru sama ár, það er bensínþjófnað. 

Með brotunum rauf maðurinn skilyrði reynslulausnar á 135 daga eftirstöðvum refsingar samkvæmt eldri dómum og var hún tekin upp og dæmd með.