Kynlífsþrælkun til umræðu í Norðurlandaráði

Goðsögnin um hamingjusömu hóruna er ekki sönn, það verður að koma í veg fyrir kynlífsþrælkun og vændiskaup á Norðurlöndum. Þetta segir sænski þingmaðurinn Monica Green úr flokkahópi jafnaðarmanna í Norðurlandaráði. Að hennar mati er margt sem við getum verið ánægð með á Norðurlöndum.

"Við getum verið ánægð með efnahagslega uppsveiflu og minna atvinnuleysi og við ættum að gleðjast yfir því að börnin okkar fá að alast upp í öruggu samfélagi", segir Green.

"Jákvæð framþróun er mikilvæg, en við verðum að taka á mengunarvanda vegna umferðar og við verðum að leysa þann vanda sem felst í kynlífsþrælkun og - vændiskaupum. Við þurfum að aflífa goðsögnina um hamingjusömu hóruna, við verðum að vinna saman að lausn þessa vanda".