Rjúpnaveiðitímabilið hefst í dag

Rjúpnaveiðitímabilið hefst í dag og stendur í samtals átján daga til þrítugasta nóvember. Veiði er bönnuð mánudaga, þriðjudaga og miðvikudaga. Þá er mælst til þess að hver veiðimaður veiði ekki nema sex til sjö rjúpur og að heildarveiðin verði ekki nema 38 þúsund fuglar. Þessi tilhögun umhverfisráðuneytisins er byggð á umsögn Náttúrufræðistofnunar á veiðiþoli stofnsins. Veiðibann verður á stóru svæði suðvestanlands og sölubann verður áfram. Fréttastofunni er kunnugt um að veiðimenn hafi haldið út á land strax í gær, til að vera komnir á veiðislóð í birtingu í dag.