FHM birti mynd af berbrjósta táningsstúlku

Karlatímaritið FHM braut siðareglur þegar það birti mynd af berbrjósta fjórtán ára stúlku, en myndin var tekin án samþykkis hennar. Siðanefnd fjölmiðla í Bretlandi komst að þessu.

Myndin birtist í gallerý með farsímamyndum sem lesendur höfðu sent inn og kvörtuðu foreldrar kvörtuðu til siðanefndarinnar í kjölfarið.

Siðanefndin sagði birtinguna alvarlega innrás í einkalíf stúlkunnar. Þá sagði hún að birtingin gæti haft alvarleg áhrif á stúlkuna vegna aldurs hennar.

Blaðið sagði að því bærust tólf hundruð myndir frá léttklæddum kvenkyns lesendum í viku hverri. Stúlkan hefði litið út fyrir að vera eldri en fjórtán ára, og ekkert hefði bent til þess að myndin hefði verið tekin án samþykkis hennar.