4 milljarðar í djúpborunarverkefni

Íslendingar munu fyrstir þjóða hefja djúpborun en samningur þar að lútandi hefur verið undirritaður. Meðal þeirra sem taka þátt í samningnum er álfyrirtækið Alcoa sem leggur 300 milljónir króna verkefnisins.

Auk Alcoa standa landsvirkjun, hitaveita suðurnesja, orkuveita reykjavíkur og íslenska ríkið að verkefninu. Allt í allt mun verkefnið kosta um 4 milljarða króna og munu orkufyrirtækin þrjú leggja til um 700 til 1000 milljónir hvert og íslenska ríkið 350 milljónir.

Landsvirkjun mun bora fyrstu holuna strax á næsta ári á Kröflusvæðinu og síðar mun Orkuveita Reykjavíkur bora á Hengilssvæðinu og Hitaveita Suðurnesja á Reykjanesi.

Þetta verður í fyrsta sinn sem reynt er að bora og nýta svo djúpar holur á svo heitu svæði

Borað verður eina 4-5 kílómetra niður í jörðina og heitum vökva dælt upp sem síðan er notaður til að hita upp hreint vatn. Vökvanum er síðan skilað aftur niður í jörðina og er það gert vegna þess að ekki er vitað hvort hann er mengaður eða ekki. Hreina vatnið er síðan leitt í túrbínu sem býr til rafmagn og ættu úr einni djúpborunarholu að nást ein 50 megavött af orku. Það er tíu sinnum meiri orka en fæst úr grunnum holum.