Vill fund hið fyrsta vegna hugmynda Þorbjargar Helgu

Helga Björg Ragnarsdóttir, fulltrúi Vinstri - grænna í leikskólaráði, hefur óskað eftir fundi í ráðinu hið fyrsta í ljósi ummæla Þorbjargar Helgu Vigfúsdóttur, formanns leikskólaráðs, um mögulegar breytingar á rekstrarformi leikskóla borgarinnar.

Þorbjörg hefur viðrað þá skoðun sína að skoða beri einkarekstur og jafnvel kanna vilja atvinnurekenda til þess að koma á fót leikskóla fyrir sína starfsmenn til þess að reyna að ráða bót á manneklunni í leikskólum borgarinnar.

Fram kemur í tilkynningu frá Vinstri - grænum að þau sem leikskólar Reykjavíkur standi frammi fyrir verði ekki leyst með breytingum á rekstrarformi heldur fyrst og fremst með því að bæta kjör þeirra stétta sem þar starfa. Brýnt sé að umræða um málið fari fram á vettvangi leikskólaráðs hið fyrsta.