Íslensk stjórnvöld berjast gegn barnahermennsku

Íslensk stjórnvöld hafa á undanförnum árum styrkt verkefni gegn barnahermennsku í Mið-Afríku, Sri Lanka og Síerra Leone. Verkefnin eru bæði á vegum Barnahjálpar Sameinuðu þjóðanna, UNICEF, og Rauða krossins og miða að því að koma börnum sem gegnt hafa barnahermennsku til hjálpar og gera þeim kleift að takast á við eðlilegt líf. Í ár hefur Ísland einnig styrkt verkefni Rauða krossins vegna baráttu gegn barnahermennsku í Síerra Leóne.

Samvæmt upplýsingum frá UNICEF, er talið að um 300.000 börn í heiminum séu notuð í barnahermennsku. Um þetta er fjallað í nýjast vefritinu Stiklur hjá utanríkisráðuneytinu.

Ísland hefur undanfarin ár stutt verkefni í Mið-Afríku (Great Lakes Region). Þar er um að ræða samstarfsverkefni Alþjóðabankans, fjölda undirstofnanaS.þ., Barnaheilla, Alþjóðaráðs Rauða krossins og ýmissa iðnríkja, sem er ætlað að stuðla að friðaruppbyggingu í Mið-Afríku.

Á síðasta ári veitti Ísland framlag til verkefnis UNICEF á Sri Lanka gegn barnahermennsku, en samkvæmt upplýsingum UNICEF hafa tæplega 6 þúsund börn verið neydd til að gegna hermennsku á Sri Lanka frá því árið 2001.

Í ár hefur Ísland einnig styrkt verkefni Rauða krossins vegna baráttu gegn barnahermennsku í Síerra Leóne. Framlagið fór til byggingar endurhæfingarathvarfa þar sem börn og ungmenni fá bæðikennslu og sálræna aðstoð vegna afleiðinga borgarastyrjaldarinnar og til sérstakra athvarfa fyrir ungar mæður þar sem þær fá aðstöðu fyrir börn sín meðan þær stunda nám.