Hefner vill Victoriu Beckham

Sala knattspyrnukappans David Beckham frá spænska stórliðinu Real Madrid til bandaríska liðsins L.A Galaxy hefur að mati bresku fjölmiðlanna opnað nýjar dyr fyrir spússu hans, Victoriu Beckham.

Klámkóngurinn Hugh Hefner er einn þeirra sem vill nýt sér starfskrafta hennar.

Fréttavefur Sky greindi frá þessu á föstudaginn og sagði ein af kærustum Hugh, Bridget Marquardt, að Victoria myndi taka sig vel út á síðum blaðsins. „Við gerum okkur miklar vonir með Victoriu og Playboy gæti gert stóra hluti fyrir hana," sagði Bridget í samtali við vefinn.

Victoria hefur staðið í skugganum af manni sínum eftir að Spice Girls lagði upp laupana. Hana hefur lengi dreymt um frægð og frama á hvíta tjaldinu og ætti því að vera komin á réttan stað. Parið hefur sést í Los Angeles að skoða villur fyrir sig og strákana sína þrjá og ljóst má vera að Hollywood iðar í skinninu eftir að geta nýtt sér krafta þessa stjörnupars.

Victoria og David ættu ekki að verða einmanna í Englaborginni en þau eru nánir vinir stórstjarnanna Tom Cruise og Katie Holmes. Frægt er orðið þegar David mætti án leyfis í brúðkaup leikarahjónanna á Ítalíu og var kallaður heim af forsvarsmönnum Real Madrid en nú ættu þau að geta mælt sér mót að vild.

David hefur þegar komið á fót knattspyrnuskóla í borginni sem er vel sóttur af börnum fræga fólksins og sér fram á náðugt líf þegar takkaskórnir víðfrægu verða lagðir á hilluna auk þess sem hann hefur margoft lýst yfir áhuga sínum á leik í kvikmyndum.

Hugh Hefner segist enda þegar vera búin að taka frá sæti í hinum víðfrægu teitum sínum á setri sínu sem hafa verið vel sótt af stjörnunum. „Hollywood á eftir að elska Beckham. Stelpurnar á setrinu hafa verið ræða um þetta og við erum búin að setja hann á gestalista hjá okkur," sagði Hefner.

„Ég held að Beckham eigi eftir að ganga vel hérna sérstaklega í ljósi þess að Bandaríkin hafa ekki tekið knattspyrnuna opnum örmum. Beckham á eftir gera gæfumuninn að því leytinu," bætti Hefner við.