Skutu á gæsahóp út úr bifreið

Lögreglan á höfuðborgarsvæðinu stöðvaði um klukkan sex í kvöld ferð tveggja manna í Mosfellsdal eftir að tilkynning barst um þeir hefðu verið að skjóta úr haglabyssu út úr bifreið. Lögreglan lagði hald á haglabyssu sem fannst í bílnum en mennirnir neituðu sök.

Samkvæmt upplýsingum frá lögreglunni á höfuðborgarsvæðinu voru mennirnir að skjóta á gæsahóp á flugi. Tvö tóm skothylki fundust í götukanti þar sem vitni sagðist hafa séð mennina skjóta úr byssunni.

Mennirnir, sem báðir eru rétt rúmlega þrítugir, neituðu allri sök. Að sögn lögreglu verður annar þeirra kærður.