Innlent

Ber ekki að sundurliða símreikninga að eigin frumkvæði

MYND/Páll Bergmann

Símanum ber ekki að sundurliða reikninga áskrifenda sinna í talsímaþjónustu að eigin frumkvæði samkvæmt niðurstöðu Póst- og fjarskiptastofnunar. Hins vegar ber fyrirtækinu að sundurliða reikninga ef viðskipavinur biður um það og þarf viðskiptavinurinn ekki að greiða fyrir það.

Póst- og fjarskiptastofnun barst fyrr í sumar kvörtun frá aðila sem taldi að Síminn hefði sundurliðað reikning sinn á ófullnægjandi hátt. Vísaði kvartandinn meðal annars til laga um fjarskipti sem kvæðu á um að áskrifendur talsímaþjónustu ættu réttu suðurliðuðum reikningum án þess að greiða fyrir það. Síminn benti hins vegar á að þeim sem hefðu óskað eftir sundurliðun hefðu fengið það.

Ágreiningurinn snerist því um hvort Símanum bæri lagaleg skylda til þess að sundurliða reikninga vegna símaþjónustu án sérstakrar beiðni. Póst- og fjarskiptastofnun komst að þeirri niðurstöðu Símanum bæri að bjóða áskrifendum sínum upp á sundurliðaða reikninga en ekki að eigin frumkvæði heldur þyrftu áskrifendur að óska eftir því.

Mest lesið


Fleiri fréttir

Sjá meira


×

Mest lesið