Sala á Land Rover eykst um 43%

Alls seldust 2141 bifreið í ágúst síðastliðnum á móti 1498 í sama mánuði árið á undan. Þetta þýðir aukning um 43%. Þrátt fyrir góða sölu í ágústmánuði er samdráttur í heildar bílasölu á árinu um 11,9% frá 1. janúar talið til 31 ágúst, miðað við sama tímabil árið 2006.

Það sem vekur athygli ef skoðaðar eru tölur fyrir hverja tegund er að 600% aukning er í sölu á bílum frá Land Rover/Rover í ágúst síðastliðnum. Í ágúst 2006 seldust 7 slíkir en 49 í ár. Aukningin í sölu á þeim bílum milli ára er 93,1%. Bílar í lúxusbílaflokki hafa almennt selst vel síðla sumars.

Mesta salan er í bifreiðum frá Toyota. Alls hafa selst 2685 bílar af þeirri tegund það sem af er ári samkvæmt tölum frá Umferðarstofu.