Iceland Express býður flugfar á tæpar 6.000 kr.

Frá og með hádegi á morgun og fram á mánudag getur fólk bókað flug utan með Iceland Express á 5.890 kr. og eru skattar og gjöld innifalin í þessu verði. Um takmarkaðan sætafjölda verður að ræða.

Samkvæmt upplýsingum frá markaðsdeild félagsins er hér um ferðir aðra leiðina að ræða og miðað er við að ferðin sé farin á tímabilinu 1. nóvember til 30. nóvember. Sömu tilboð gilda fyrir ferðir erlendis frá og eru þær seldar á 45 pund, 66 evrur og 495 dkr. svo dæmi séu tekin.