Kanna möguleika á millilandaflugi frá Ísafirði

Vestfirðingar eru að kanna möguleika á að hefja millilandaflug til og frá Ísafirði. Með slíku flugi telja þeir sig geta fengið fleiri ferðamenn vestur og aukið útflutningsmöguleika fjórðungsins. Málið er til alvarlegrar skoðunar í samgönguráðuneytinu.

Mörgum leikmanni sem flogið hefur til Ísafjarðar gæti þótt undarlegt að menn velti fyrir sér millilandaflugi í þröngan Skutulsfjörðinn. En þeir sem beita sér fyrir millilandaflugi til bæjarins frá meginlandi Evrópu eru ekki að tala um þotur af stærri gerðinni, heldur flugvélar sem tækju 52 - 68 farþega og eru ekki öllu stærri en Fokkerflugvélar Flugfélags Íslands.

Haukur Vagnsson framkvæmdastjóri í Bolungarvík er einn þeirra sem unnið hefur að málinu í samvinnu við innlenda og erlenda fagaðila. Þá hefur Kristjáni Erlingsson stjórnarformaður Eyarodda á Flateyri þrýst á málið. Haukur telur að slíkt flug muni auka ferðamannastrauminn vestur.

Haukur segir einnig að millilandaflug gæti stutt við útflutning frá Vestfjörðum.