Þóttist vera eldri Pólverji

Lögreglustjórinn á Eskifirði hefur höfðað opinbert mál á hendur Pavel Janas fyrir að þykjast vera annar en hann er.

Pavel þessi hefur í nálægt tvö ár villt á sér heimildir og hefur ítrekað falsað skjöl með því að þykjast vera annar maður.

Hann framvísað pólsku vegabréfi með nafni Henryk Stanislaw Szelag í blekkingarskyni og fékk þannig dvalarleyfi frá útlendingarstofnun.

Einnig setti hann nafn Henryks á ráðningasamning milli sín og Loðnuvinnslunnar hf og starfaði þar sem Henryk Stanislaw Szelag.

Pavel falsaði einnig ökuskírteini og tók verklegt próf á vinnuvél sem hann stóðst. Þess er krafist að Pavel verði dæmdur til refsingar og vegabréfið, ökuskírteinið og vinnuvélaskírteinið verði gert upptækt.

Henryk þessi er sjö árum eldri en Pavel sjálfur en Pavel neitaði sakargiftum í hérðasdómi Austurlands í morgun.