Mývetningar felldu sameiningu

Í Skútustaðahreppi við Mývatn höfnuðu 133 sameiningu meðan 83 voru henni fylgjandi sem þýðir að 61 prósent hafi sagt nei. Í Þingeyjarsveit var sameining naumlega samþykkt með 51 prósents atkvæða. Þar sögðu 215 já en 207, eða 49 prósent, voru á móti. Í Aðaldælahreppi var sameining samþykkt með 69 prósentum atkvæða. 109 samþykktu 109 en 43 voru á móti. Þar sem sameiningin var samþykkt í Aðaldælahreppi og Þingeyjarsveit geta sveitarstjórnir þeirra ákveðið að sameinast. Fari svo verður til nýtt þúsund manna sveitarfélag. Skútustaðahreppur verður hins vegar áfram sér á báti en þar búa um 400 manns.