Eiginkona og dóttir urðu vitni að slysinu

Maðurinn sem lést í umferðarslysinu á Suðurlandsvegi við Rauðhóla í fyrrakvöld hét Kristinn Guðbjartur Óskarsson, til heimilis að Álfhólsvegi 151 í Kópavogi. Hann var 76 ára gamall og lætur eftir sig eiginkonu og þrjú uppkomin börn. Aðstandendur vilja koma á framfæri þakklæti til þeirra sem aðstoðuðu á slysstað. Eiginkona og dóttir hans urðu vitni að slysinu en bíll þeirra hafði bilað og stóð kyrrstæður í vegarkantinum skammt frá. Kristinn var á leið á öðrum bíl til að veita þeim aðstoð og tók U-beygju á veginum en beygði þá í veg fyrir flutningabíl.