Vara-utanríkisráðherra Bandaríkjanna hitti Musharraf

John Negroponte, vara-utanríkisráðherra Bandaríkjanna, hitti Pervez Musharraf, forseta Pakistan, á tveggja klukkustunda löngum fundi í dag. Á fundinum hvatti Negroponte forsetann til að leggja sitt af mörkum til þess að koma á friði í landinu, afnema neyðarlög og undirbúa frjálsar kosningar. Fréttastofa CNN segir að ekkert bendi til þess að Musharraf muni fara að tilmælum Bandaríkjamanna varðandi þetta, en í dag eru liðnar tvær vikur frá því að hann tók sér alræðisvald í Pakistan með því að lýsa yfir neyðarlögum.