Blysför í tilefni dagsins

Degi íslenskrar tungu var víða fagnað í dag. Á leikskóla í Hafnarfirði voru sungin lög eftir Megas og blysför var farin frá Háskóla Íslands.

Rithöfundasamband Íslands og afmælisnefnd Jónasar Hallgrímssonar efndi til blysfara frá Háskóla Íslands á sjöunda tímanum til að minnast þess að tvö hundruð ár eru frá fæðingu Jónasar Hallgrímssonar. Gengið var í Hljómskálagarðinn að styttu þjóðskáldsins Einars Jónssonar en styttan var afhjúpuð árið 1907 á aldarafmæli Jónasar. Á leikskólanum Hliðarenda sungu börnin lög eftir Megas í tilefni dagsins og skemmtu þau sér vel.