Dagur vill sátt í dómsmáli Svandísar

Borgarstjóri lagði fram tillögu á borgarráðsfundi í dag um að leitað yrði sátta í dómsmáli Orkuveitu Reykjavíkur og Svandísar Svavarsdóttur.

Í tillögu borgarstjóra kemur fram að málsaðilar hafi ekki hagsmuni af niðurstöðu slíks máls staðfesti borgarráð ákvarðanir Orkuveitunnar um að falla frá hinum umdeilda samruna Reykjavik Energy Invest og Geysir Green Energy sem samþykktur var á stjórnarfundi.

Afgreiðslu á tillögu borgarstjóra var frestað til morguns. Vilhjálmur Þ. Vilhjálmsson, oddviti sjálfstæðismanna í borgarstjórn, óskaði eftir skriflegum rökstuðningi og skýringum vegna tillagna borgarstjóra, en aukafundur borgarráðs verður haldinn á morgun.