Tveggja mánaða fangelsi fyrir ölvunarakstur og skjalafals

Héraðsdómur Reykjavíkur dæmdi í dag karlmann í tveggja mánaða fangelsi fyrir övlunarakstur og skjalafals.

Manninum var gefið að sök að hafa ekið ölvaður á Laugavegi en ökuferðin endaði á umferðarmerki til móts við Höfðatún. Þá var hann ákærður fyrir að falsa undirskrift bróður síns í tengslum við gerð kaupleigusamnings á bíl.

Maðurinn játaði á sig brotin tvö en hann átti að baki nokkra dóma vegna ölvunaraksturs. Auk fangelsisdómsins var maðurinn sviptur ökurétti ævilangt og frestar áfrýjun dómsins því ekki.