Ísland fær 220.000 tonn af norsk-íslensku síldinni

Gengið hefur verið frá nýju samkomulagi um norsk - íslensku síldina fyrir árið 2008 á fundi strandríkjanna sem nú fer fram í London. Samkvæmt samkomulaginu verður heildarkvótinn 1.518.000 tonn, en í hlut Íslands munu koma 220.262 tonn.

 

 

Fjallað er um samkomulagið á vefsíðu LÍÚ. Þar segir að norsk-íslenski síldarstofninn er í góðu ástandi og er áætlað að stærð hrygningarstofns sé um 12 milljónir tonna. Rannsóknir á stofninum benda til þess að nýliðun sé góð og ekki er annað að sjá en að stofninn haldist sterkur næstu ár.

 

Fiskveiðiráðgjafarnefnd ICES skilaði ráðgjöf í október síðastliðnun og samkvæmt þeirri ráðgjöf myndi 1.266.000 tonna heildarafli vera í samræmi við áðurnefnda nýtingarstefnu. Strandríkin funduðu síðar í mánuðinum og skiptu með sér þessum ráðlagða afla.

 

Á þeim árum þegar mest var veitt úr þessum stofni á 6. og 7. áratug síðustu aldar var heildaraflinn oft á bilinu 1 - 1 ½ milljón tonna en fór hæst í rétt tæplega 2 milljónir tonna. árið 1966.