Kalla eftir upplýsingum um fyrirætlanir OR

Meirihlutinn í borgarstjórn hefur falið Degi B. Eggertssyni borgarstjóra að kalla eftir öllum upplýsingum um fyrirætlanir Orkuveitu Reykjavíkur í virkjanamálum. Þetta var ákveðið á borgarráðsfundi í dag.

Fram kemur í fundargerð borgarráðs að nýr meirihluti telji að full efni séu til heildstæðrar skoðunar á fyrirætlunum OR, virkjunum, stöðu allra framkvæmda, allra viljayfirlýsinga og samninga auk yfirlits yfir þá aðila sem hafa óskað eftir viðræðum um orkukaup.

Á borgarstjóri að kalla eftir þessum upplýsingum á fyrirhuguðum eigendafundi Orkuveitunnar sem fram fer á föstudag. Þar á einnig að ræða málefni REI.