Dómur yfir morðingja Gísla í desember

Dómsuppkvaðningu í máli Willie Theron - sem var sakfelldur í gær fyrir morðið á Gísla Þorkelssyni - hefur verið frestað fram í desember. Dómari í Jóhannesarborg í Suður-Afríku greindi frá þessu í morgun en dómsuppkvaðning hafði verið boðuð í dag.

Eftir er að fara yfir skýrslu skilorðsfulltrúa að ósk verjenda þriggja annarra í málinu sem voru ekki sakfelldir fyrir beina aðild að morðinu. Dómur yfir þeim og Theron verður kveðinn upp sjöunda desember næstkomandi.

Lík Gísla fannst steypt í ruslatunnu í Boksburg í Suður-Afríku sumarið 2005. Vitorðskona Therons hlaut í fyrra tuttugu ára dóm fyrir aðild að morðinu og var framburðu hennar grunnur að sakfellingunni í gær. Talið er líklegt að Theron hljóti lífstíðardóm fyrir morðið.