Ögmundur Jónasson: Óvíst að RÚV samningur standist lög

„Það er óvíst að samningur Björgólfs Guðmundssonar við RÚV standist lög um tekjustofna Ríkisútvarpsins ohf.," segir Ögmundur Jónasson, þingmaður Vinstri - grænna. Eins og greint hefur verið frá mun Björgólfur styrkja RÚV um allt að 150 milljónir á næstu þremur árum.

Ögmundur segist hafa miklar efasemdir um að það nána samstarf sem Björgólfur og RÚV kynntu fyrir helgi. „Ég var reyndar búinn að spá því þegar ákveðið var að gera RÚV að hlutafélagi að RÚV og Morgunblaðið ættu eftir að stórefla samstarf sín í milli. Nú er það komið á daginn, því Björgólfur gerir samninginn í nafni Ólafsfells, sem er einmitt eignaraðili að Morgunblaðinu," segir Ögmundur ennfremur.

Ögmundur telur mikilvægt að hlutverk og staða RÚV verði tekið til ítarlegrar skoðunar og útilokar ekki að fyrirtækið verði tekið af auglýsingamarkaði. „Ég hef verið mikill stuðningsmaður RÚV og er ennþá. Ég held hins vegar að það verði að sýna sanngirni gagnvart öðrum aðilum líka," segir Ögmundur að lokum.