Guðni Ágústsson: Daufgerð ríkisstjórn

Ríkisstjórnin er daufgerð og ræður illa við efnahagsmálin, segir formaður Framsóknarflokksins. Hann segir þjóðarbúskapinn í ólgusjó og kallar eftir þjóðarsátt.

Miðstjórnarfundur Framsóknarflokksins fór fram í Ketilhúsinu á Akureyri í dag. Guðni Ágústsson gaf ríkisstjórinni fremur laka einkunn í setningarræðu. Kallaði Geir Haarde formann Sjálfstæðisflokksins sinnulausan og daufan en sagði Ingibjörgu Sólrúnu Gísladóttur formann valdaskessu.

Steingrímur J. Sigfússon formaður Vinstri grænna hefur gefið lítið fyrir þá fyrirætlun Landsvirkjunar að hyggjast selja orku sem virkjuð verður í neðri hluta Þjórsár öðrum fyrirtækjum en ályrirtækjum og kallar það áróðursbragð. Guðni er ekki sammála Steingrími en segir að tilkynning Landsvirkjunar hljóti að auka bjartsýni Húsvíkinga um að álver rísi á Bakka.