Biðröð fyrir framan verslun Just4Kids í Garðabæ

Hátt í hundrað manns eru nú fyrir utan leikfangaverslunina Just4Kids í Garðabæ en verslunin opnar klukkan 11. Um er ræða stærstu leikfangaverslun landsins. Þá opnar gæludýrabúðin Dýraríkið í sama húsnæði stærstu gæludýraverslun landsins.

Að sögn Elíasar Þ. Þorvarðarsonar, eiganda Just4Kids og Leikbæjar, voru fyrstu viðskiptavinirnir mættir klukkan níu í morgun eða tveimur tímum fyrir opnun verslunarinnar.

Ýmislegt verður í boði fyrir viðskiptavini í tilefni dagsins. Meðal annars mæta krakkarnir út Stundinni okkar og skemmta.

Leikfangaverslunin Toys R Us opnaði við Smáratorg fyrir rúmum hálfum mánuði. Þá seldust leikföng fyrir allt að 70 milljónir fyrstu opnunarhelgina.