Gæslumenn sækja Puma-þyrlu

Flugáhöfn frá Landhelgisgæslunni er nú í Noregi að sækja Puma-þyrlu sem bætast mun í flugflota Gæslunnar um leið og veðurskilyrði verða til flugs yfir hafið.

Þar með verður Gæslan með þrjár stórar Puma-björgunarþyrlur og eina Dolfin eins og þá sem hrapaði við Straumsvík í vor. Upphaflega stóð til að taka samskonar þyrlu á leigu en þegar það gekk ekki var Puman, sem nú bíður heimflugs, tekin í staðinn. Aðeins ein þyrla af þessum fjórum er í eigu Gæslunnar, hinar þrjár eru leiguvélar en íslenskir flugmenn fljúga þeim.