Vilja alþjóðaflugvöll á Suðurlandi

Samgöngunefnd Sambands sunnlenskra sveitarfélaga hvetur til þess að hafinn verði undirbúningur að gerð alþjóðaflugvallar á Suðurlandi. Hann yrði jafnframt varaflugvöllur Keflavíkurflugvallar en næsti varavöllur hans er Reykjavíkurflugvöllur.

Nefndin vill að þeta verði svonefndur lággjaldaflugvöllur að erlendri mynd enda yrði hann í nálægð við öflugustu ferðaþjónustusvæði landsins. Á vefnum Suðurlandi bendir Elliði Vignisson, bæjarstjóri í Vestmannaeyjum, á mögulega flugvallargerð að Bakka þar sem Bakkaflugvöllur er nú og væntanleg ferjuhöfn verður gerð á næstunni. Þar séu kjöraðstæður með hliðsjón af landsháttum.