Framsóknarmenn nota REI málið til að hefna sín á Sjálfstæðisflokknum

Framsóknarmenn nota málefni Orkuveitu Reykjavíkur og Reykjavík Energy Invest til að ná sér niðri á Sjálfstæðisflokknum að mati dómsmálaráðherra. Þetta kemur fram á heimasíðu hans.

Björn Bjarnason, dóms- og kirkjumálaráðherra, fjallar um atburðarásina í borginni og Framsóknarflokkinn á heimasíðu sinni. Þar segir hann að Björn Ingi Hrafnsson, borgarfulltrúi Framsóknarflokksins, líti á það sem sinn pólitískan bjarghring að draga að sér fjölmiðlaathygli með að ráðast að Sjálfstæðisflokknum. Nú síðast með því að draga Geir H. Haarde, forsætisráðherra, inn í atburðarásina.

Þá segir Björn Bjarnason ljóst að Björn Ingi muni ekki mynda enn nýjan meirihluta í borgarstjórn. Áhrif hans séu því lítil og að hann hafi þurft að éta ofan í sig öll stóru orðin um nauðsyn þess að sameina REI og GGE.

Sjá nánar á heimasíðu Björns Bjarnasonar hér.