Kexpakkar kallaðir inn

Nathan & Olsen hefur af öryggisástæðum kallað inn tiltekna tegund af súkkulaðikremkexi sem nefnist Crawford´s vegna ótta við að í einhverjum kexkökum kunni að leynast örsmáir bútar af vír.

Fram kemur í tilkynningu frá félaginu að þetta eigi ekki við um allar slíkar pakkningar heldur einungis um fimm hundruð gramma pakka sem merktir eru með best fyrir dagsetningunni 22-09-08.

Viðskiptavinir eru vinsamlegast beðnir að hafa samband við Nathan & Olsen þar sem þeir munu fá pakkann bættan. Allar nánari upplýsingar eru veittar í síma 568-1234.