Baugur aldrei fengið úthlutað lóð í Reykjavík

Baugur hefur aldrei fengið úthlutað lóð í Reykjavík undir matvöruverslun samkvæmt yfirlýsingu frá forstjóra Haga.

Í yfirlýsingu Finns Árnasonar, forstjóra Haga, segir ennfremur að samningar sem innifela þinglýstar kvaðir vegna lóða í Grafarvogi meðal annars við Spöng hafi verið gerðir af borgaryfirvöldum við fyrri eigendur Hagkaups, fyrir stofnun Baugs árið 1998.

Þá hvetur Finnur kjörna fulltrúa í sveitastjórnum og hjá ríkinu að hafa opin augun fyrir þeim tilraunum og þeim aðferðum sem meðal annars keppinautar Haga nota til þess að sverta fyrirtækið og starfsfólk þess, eins og segir í yfirlýsingunni.